བདག་ཆེན་སངས་རྒྱས་བསྟན་འཛིན།

ཁོང་ནི་རབ་བྱུང་བཅུ་གཅིག་པའི་མེ་ལུག ཕྱི་་ལོ་ ༡༦༦༧ ལོར་གཞད་ཆོས་སུ་ཡབ་ཞབས་དྲུང་སྲི་ཐར་དང། ཡུམ་པདྨ་ལྷ་ལེགས་ གཉིས་ཀྱི་སྲས་སུ་སྐུ་འཁྲུངས། བྱམས་སྙིང་རྗེ་བྱང་ཆུབ་ཀྱི་སེམས་དང་ལྡན། འཇིག་རྟེན་གྱི་སྤྱོད་པ་མི་མངའ། ཁུ་བོ་བདག་ཆེན་ཡེ་ཤེས་ བཟང་པོས་མཁན་པོ་དང། འཇམ་མགོན་སངས་རྒྱས་ཕུན་ཚོགས་ཀྱིས་ལས་སློབ། མུས་པ་ཆོས་རྗེ་ཀུན་དགའ་རྒྱ་མཚོས་གསང་སྟོན་ མཛད་དེ་དགེ་འདུན་གྲངས་ཚང་ལས་བསྙེན་པར་རྫོགས། མཁན་སློབ་དེ་དག་དང། མཁན་ཆེན་ལྷུན་གྲུབ་དཔལ་ལྡན་སོགས་མཁས་ གྲུབ་དུ་མ་ལས་གསུང་ངག་ལམ་འབྲས་སོགས་མདོ་རྒྱུད་གཞུང་ལུགས་རབ་འབྱམས་ལ་ཐོས་བསམ་མཐར་ཕྱིན། དགུང་ལོ་ཉེར་གསུམ་ པ་ས་མོ་སྦྲུལ་གྱི་ལོར་རྡོ་རྗེ་འཆང་ཀུན་དགའ་བཟང་པོའི་ཆོས་ཀྱི་ཁྲི་ལ་མངའ་གསོལ། གཞུང་ས་ཆེན་པོ་དང། གདན་ས་གོང་འོག། བཀྲིས་ལྷུན་པོ་སོགས་སུ་འཁོར་འདུས་པ་རྒྱ་མཚོ་ལ་གསུང་ངག་ལམ་འབྲས་སོགས་མདོ་རྒྱུད་རྒྱ་མཚོ་ལྟ་བུའི་ཆོས་ཀྱི་འཁོར་ལོ་བར་ མེད་དུ་བསྐོར། མདོར་ན་དམ་པ་འདི་ཉིད་ཀྱི་སྐུ་ཚེ་ཧྲིལ་པོ་འཆད་རྩོད་རྩོམ་གསུམ་གྱི་སྒོ་ནས་རྒྱལ་བསྟན་དར་ཞིང་རྒྱས་པར་མཛད། མཐར་དགུང་ལོ་ཉེར་བདུན་པ་རབ་བྱུང་བཅུ་གཉིས་པའི་ཆུ་བྱ། ཕྱི་ལོ་ ༡༦༩༣ ལོར་དགོངས་པ་ཆོས་དབྱིངས་སུ་གཤེགས།