ངག་དབང་ཕུན་ཚོགས་དོན་གྲུབ།
ཁོང་ནི་རབ་བྱུང་བཅུ་གཉིས་པའི་སྨད་དང་དུས་རབས་བཅོ་བརྒྱད་པའི་དུས་དཀྱིལ་དུ་ཁམས་མི་ཉག་རྒྱལ་བཟང་ཞེས་པར་འཇམ་ དབྱངས་དཀོན་མཆོག་གྲགས་པའི་དབོན་རིགས་སུ་སྐུ་འཁྲུངས། སྐུ་ན་ཆུང་ངུའི་དུས་ནས་བསྟན་པ་རིན་པོ་ཆེའི་སྒོར་འཇུག་པར་བྱ་ བའི་ཕྱིར་དུ་ཨེ་ཝཾ་ཆོས་ལྡན་དུ་ཕེབས། ཀུན་ཏུ་དགོས་པའི་གཞུང་བདུན་སོགས་ཐུགས་ལ་མངའ། འཇམ་དབྱངས་དཀོན་མཆོག་གྲགས་ པ་དང། ངག་དབང་ཆོས་སྐྱོང་བཟང་པོ་སོགས་མཁས་གྲུབ་དུ་མ་བསྟེན་ནས་སྡོམ་པ་གསུམ་དང། གསུང་ངག་ལམ་འབྲས། བདེ་ཀྱེ་ གསང་གསུམ་སོགས་གསན་བསམ་སྒོམ་གསུམ་མཐར་སོན། མཁས་གྲུབ་སངས་རྒྱས་གྲགས་པའི་གདན་ཚབ་ཏུ་ཀུན་མཁྱེན་ཨེ་ཝཾ་པའི་ ཁྲི་ལ་མངའ་གསོལ། སྙན་བརྒྱུད་ཚད་མ་བཞི་ལྡན་གྱི་ཟབ་ཁྲིད་གསུང་ངག་ལམ་འབྲས་གཙོས་ཁྲིད་ལུང་སོགས་འཆད་པས། སློབ་མ་ མཁས་གྲུབ་ངག་དབང་དམ་ཆོས། མཁན་ཆེན་བསོད་ནམས་དཔལ་འབྱོར་སོགས་བརྒྱུད་འཛིན་གྱི་དམ་པ་མང་པོ་བསྐྱེད་པ་སོགས་ བསྟན་པ་རིན་པོ་ཆེ་ལ་ཕྱག་རྗེས་རླབས་ཆེན་མཛད། (འཁྲུངས་འདས་ཀྱི་ལོ་ཚིག་མ་ངེས)